SAN XOÁN 2009

Un ano despois de inaugurar os festexos organizados pola Asociación co San Xoán do 2008, celebrouse o deste ano, con cambios notables.

O cambio máis significativo foron as reformas feitas no local da Asociación, é dicir, a escola vella de Cospeito. Ampliación, pintura e poñer os baños, fixeron que o espazo do que dispoñemos para as nosas actividades sexa moito máis confortable para todo tipo de actividades que se celebren nel.

A ampliación do local foi verdadeiramente útil, xa que a asistencia de veciños se incrementou na noite de San Xoán do 2009 con respecto á do 2008, feito que agradou á Xunta Directiva, porque ven os seus esforzos agradecidos e anima a crear novas actividades para os socios.

E sen máis leria, aquí vos deixo unhas cantas imaxes da noite de San Xoán da que disfrutaron os veciños de Cospeito que se apuntaron á festa:

Velaí os cociñeiros, os máis importantes da noite! Grazas pola vosa colaboración desinteresada para garantir o desfrute dos veciños.



Unha noite de San Xoán non tería sentido sen unha boa fogueira:



Unhas imaxes dalgúns dos asistentes:







E por último, a beberaxe purificadora de almas máis popular de Galicia (agradecerlle outra vez a Carlos a súa axuda):

Magosto

A Asociación A Pena organizou o día 14 de novembro de 2008, un Magosto para todos os veciños de Cospeito que quixeran asistir. Esta celebración contou con gran aceptación por parte da xente, asistindo máis de 80 persoas.

Este festexo tivo lugar na escola de Cospeito e os asistentes cearon a base de empanadas variadas, lacón asado e de postre: unha torta de castañas preparada por Felisa e castañas asadas a esgalla.

Máis tarde, xa cos bandullos repletos, realizouse o sorteo de máis de 50 lotes de agasallos cedidos por comerciantes, empresas e veciños da zona.

Xornada micolóxica

O día 26 de outubro deste ano, tivo lugar unha Xornada Micolóxica impartida por Julián e de libre asistencia para os veciños de Cospeito.

As actividades do día consistiron en:

· Proxección dun vídeo relativo ao tema na escola de Cospeito.

· Saída pola zona para recoller os distintos tipos de cogumelos que se atoparon.

· Logo dun pequeno descanso para comer, volta á escola para clasificar os cogumelos recollidos pola mañá.

· E finalmente, como todo en Galicia, a xornada tivo a súa parte gastronómica: preparación e degustación dos exemplares comestibles.

Neste día, uns 15 veciños participaron nas actividades propostas.

E en agradecemento a Julián por vir a compartir este día cos veciños de Cospeito, un agasallo cunha pequena referencia ao tema.

Curso de Restauración de Madeira

Entre os días 6 e 9 de agosto, levouse a cabo na Escola de Cospeito, o Curso de Introducción á restauración de obxectos de madeira. Unha actividade totalmente gratuita e con libre asistencia para todos os veciños interesados.



O primeiro día impartiuse unha sesión teórica sobre a madeira, as súas propiedades e os distintos tratamentos e materiais de traballo. Logo disto, cada asistente presentou a peza ou pezas a restaurar e expúxose o método a seguir.

Estas son algunhas das pezas:




O ambiente de traballo era bo e os veciños disfrutamos dunhas xornadas moi proveitosas e entretidas.




E entre as pezas, atopabanse obxectos curiosos, como esta lámpada de José Escourido:




En definitiva, un curso no que aprendemos e nos divertimos moito. Especial agradecemento a Cristina por impartir o curso e a José Escourido por aportar a súa axuda como carpinteiro experimentado.




Para descargar Apuntamentos da Madeira e as súas cualidades prema esta ligazón:
http://www.sendspace.com/file/ksdemj

Para descargar o Memorándum do curso prema na seguinte ligazón:
http://www.sendspace.com/file/bmsmku

Para descargar as Fichas sobre as pezas a restaurar prema nesta ligazón:
http://www.sendspace.com/file/ptddwv

Lume Novo 2008

A celebración, como bos galegos, tiña un gran compoñente gastronómico: churrasco, criollos, chourizos, liscos, postres caseiros a cargo de Felisa e bebidas á esgalla. Contouse coa asistencia duns 70 veciños, os que colaboraron na organización de bo grado.



Ao comezo da xornada, os 2 cociñeiros voluntarios e voluntariosos, coa axuda dalgúns veciños, prepararon a paparota.



























Os comensais puideron disfrutar non so da abundante comida, senón tamén dunha xuntanza na que puideron compartir mesa moitas persoas que non adoitan verse de cotío.





























Logo de encher o bandullo, chegou o momento de prender a cacharela propia da noite de San Xoán para botar fóra os meigallos.



E por se co lume non fora dabondo para entrar en calor e escorrentar as meigas, unha boa queimada para, como di o esconxuro, "quedar libres dos males da nosa ialma e de todo embruxamento".




Esta foi a primeira actividade veciñal organizada pola Asociación, á que sucederon e sucederán moitas outras.

Un saúdo.